2. ATIC (कृषि तंत्रज्ञान माहिती केंद्र)
शेतीविषयक तंत्रज्ञान आणि निविष्ठा एकाच ठिकाणी मिळणारे असे हे केंद्र आहे. या केंद्रातून विक्रीसाठी उपलब्ध निविष्ठा -
अ . जैविक खते जसे अँझोटोबॅक्टर, अँसिटोबॅक्टर,  रायझोबिअम, फॉस्फरस विरघळवणारे जिवाणू, पाचट कुजविणारे जिवाणू संवर्धन इ .
ब . जैविक किटकनाशक जसे एच .एन .पी .व्ही.निंबोळी पावडर

क . जैविक बुरशिनाशक जसे टायकोडर्मा, पॅसीलीओमायसीज मेटेरायझिम बिव्हेरिआ व्हर्टिसिलिअम इ.
ड . जैविक किड नियंत्रक घटक जसे टायकोकार्ड, लेडी बर्ड बीटल
इ . तृणधान्ये, डाळी आणि तेलबिया यांच्या नवीन वाणांचे बियाणे
ई . उस बेणे
प . सुधारित फळझाडांची क़लमे,  रोपे
फ . गंध सापळे
ब . रासायनिक सापळे
भ . स्तनदाह नियंत्रक साधने
म . गांडूळखत आणि गांडूळे

य. खतांच्या गोळया

3. शेतकरी निवास
कृषि विज्ञान केंद्राकडे एका वेळी 125 पेक्षा जास्त शेतक-यांची निवासाची सोय असणारे शेतकरी निवास उपलब्ध असून त्याच्या खोल्यातून उत्तम फर्निचर आहे .

4. शेती फार्म / प्रक्षेत्र
कृषि विज्ञान केंद्राकडे परीसरातील मुख्य पिकांखाली असणारा 50 एकर क्षेत्राचा सुसज्ज फार्म प्रक्षेत्र आहे . प्रक्षेत्राचा मुख्य उददेश नवीन पीक पध्दतीचे प्रात्यक्षिक दाखवणे हा असून कृषि तंत्रज्ञान विषयक उपयोजित संशोधन करणे आणि ते तंत्रज्ञान शेतक-यापर्यंत पोहोचण्यापूर्वी त्याच्या चाचण्या घेण्यासाठीही या प्रक्षेत्राचा उपयोग होतो . मातीपरीक्षण करुन आणि काळजीपूर्वक नियोजन करुन फळबाग, पीके विभाग (Agronomy) आणि रोपवाटिका अशी प्रक्षेत्राची विभागणी केलेली आहे .
त्यानंतर जिल्हयात मुख्यत: घेतल्या जाणा-या आंबा, चिककू, पेरु, आवळा, सिताफळ, डाळींब, अंजीर इ . फळझाडांच्या मातृवृक्षांची लागवउ करण्यात आली आहे . तसेच उस, गहू, इ . पिके देखील प्रक्षेत्रावर घेतली जातात .
सध्या संपूर्ण प्रक्षेत्रासाठी ठिबक सिंचन पध्दत वापरली जात असून त्यासाठी 10 लाख व 14 लाख लीटर क्षमतेची पाणी साठा करण्याची टाकी बांधण्यात आली आहे. प्रक्षेत्रावर नवीनच प्रसारीत झालेल्या विविध फळ मातृवृक्षांचा मोठा संग्रह केलेला आह.

5. हरीतगृह
कृषि विज्ञान केंद्रान फुलांच्या जरबेरा उत्पादनांसाठी नुकतेच 0 .05 हेक्टर क्षेत्रावर नैसर्गिक वायुवीजन असलेल्या हरीत गृहाची उभारणी केली आहे . तसेच दोन शेड हाउसचीही उभारणी केली आहे.

Green house for gerbera production at the Krishi Vigyan Kendra

6. माती व पाणी परीक्षण प्रयोगशाळा
या प्रयोगशाळेत माती व पाण्याचे नमुने रु. 125/- प्रति नमुना या कमीत कमी किंमतीत तपासणी करुन दिले जातात . तपासणीद्वारे जास्तीत जास्त काटेकोरपणे व तात्काळ शिफारशी करण्यासाठी प्रयोगशाळेकडे संगणक सॉफटवेअरची सुविधा आहे . प्रत्येक नमुना एकूण आठ बाबीसाठी तपासला जातो . सामू, क्षारता, सेंद्रिय कर्ब, उपलब्ध नत्र, उपलब्ध फॉस्फरस, उपलब्ध पोटॅशिअम, सोडीयम, कॅल्शियम, आणि मॅग्नेशिअम इ .तसेच या प्रयोग शाळेमध्ये सूक्ष्म अन्नद्रवे तपासणीची सुविधाही उपलब्ध असून त्याद्वारे लोह  ज़स्त मॅगनीज मॅग्नेशिअम ही मूल द्रव्ये तपासली जतात. त्याबरोबर पाने तपासणीची सोय ही शेतक-यासाठी.

7. वेधशाळा
वेधशाळेत दैनंदिन किमान व कमाल तपमान, आर्द्रता, पर्जन्य, बाष्पीभवनाचा वेग ई . नोंदण्यासाठीची उपकरणे आहेत . ही माहिती शेतक-यांना झाडांची पाण्याची गरज व संभाव्य रोगाचा प्रादुर्भाव ओळखण्यासाठी ही माहिती मागणीनुसार विनाशुल्क पुरवली जाते .

8. शेतक-यांचे ग्रंथालय
कृषि विषयक सर्व क्षेत्रासंबंधीच्या पुस्तकांचा मोठा संग्रह ग्रंथालयात आहे . ही सर्व पुस्तके शेतक-यांना माहितीसाठी विनाशुल्क उपलब्ध आहेत . कृषि क्षेत्र संशोधन करणारे विदयार्थ्री देखील संदर्भवाचनासाठी ग्रंथालयाचा वापर मोफत करु शकतात .

9. पीक आरोग्य चिकित्सालय
महाराष्ट्र सरकारच्या सहकार्याने कृषि विज्ञान केंद्रात पीक आरोग्य चिकित्सालयाची स्थापना करण्यात आली असून त्याद्वारे शेतक-यांना शेतीसंबंधी सर्वप्रकारची सल्ला सेवा मोफत पुरवली जाते . शेतकरी त्यांच्या शेतीतील प्रश्नासंबंधी विविध शंकासंदर्भात मार्गदर्शनासाठी प्रत्यक्ष भेटू शकतात किंवा पत्र लिहू शकतात . एखादया रोग किंड निदानासाठी शेतावर जास्त माहिती घेणे .आवश्यक असल्यास शेतक-यांच्या शेतावर केंद्राचे शास्त्रज्ञ त्यासंदर्भात निदानासाठी मोफत भेटी ही देतात

10. कृषि बाजार माहिती केंद्र
या केंद्राद्वारे महाराष्टातील विविध बाजारपेठातील (सर्व शेती उत्पादनांच्या) बाजारभावाची माहिती आणि इंटरनेट सेवा शेतक-यांना पुरवली जाते . केंद्राकडे वायरलेस इंटरनेटची 24 तास वेगवान सेवा उपलब्ध आहे . शेतकरी नाममात्र फी देवून कृषि विषयक वेगवेगळया वेबसाईटस देखील पाहू शकतात .

11. शेती अवजारे संग्रहालय
संग्रहालयात बैलांच्या सहायाने आणि ट्रक्टरच्या सहायाने चालणारी बरीच औजारे उपलब्ध असून शेतकरी कृषि विज्ञान केंद्रात त्याविषयी माहिती घेवू शकतात . क्षारयुक्त जमिनीची सुधारणा करावयाच्या विविध उपायापैकी एक असणारा तीन वर्षातून एकदा जमिनीची खोल नांगरणी करण्यासाठी सबसॉईलर हे अवजार शेतक-यांना भाडे तत्वावर पुरवले जाते .

12. गांडूळखत विभाग
प्रक्षेत्रावरील टाकावू पदार्थांच समृध्द अशा कंपोस्ट खतात रुपांतर करण्याचे प्रात्यक्षिक हा विभाग दाखवतो येथे गांडूळांच्यादोन वेगवेगळया जाती वाढवल्या जात आहेत . जेणेकरुन त्या शेतक-यांना उपलब्ध करुन देता येतील . विभागाची क्षमता वार्षिक 18 टन कंपोस्ट खत बनवण्याची आहे .
गांडुळांच्या जाती पुढीलप्रमाणे
1. Eisenia foetida

2. Eudrillus uginae