उपक्रम

1. प्रशिक्षण
   कृषि विज्ञान केंद्रातर्फे शेतकरी, महिला आणि ग्रामीण युवक यांचेसाठी शेतक-यांच्या गरजा व मागणी नुसार एका वर्षात सरासरी 100 ते 125 प्रशिक्षण वर्ग आयोजित केले जातात . त्यापैकी 40 ते 50 टक्के प्रशिक्षण वर्ग दीर्घ कालावधीचे आहेत . प्रशिक्षण कार्यक्रम जास्तीत जास्त परीणामकारक होण्यासाठी केव्हीके तर्फे 210 पेक्षा जास्त शैक्षणिक ऑडीओ, व्हिडीओ कॅसेटस खरेदी करण्यात आल्या आहेत . शाळा सोडलेली मुले आणि बेरोजगार ग्रामीण युवक यांच्यासाठीच्या स्वयंरोजगार निर्मीतीचे ध्येय असणा-या जास्त कालावधीच्या प्रशिक्षण वर्गावर जास्त भर देण्यात आला आहे

2. प्रात्यक्षिके
कृषि विज्ञान केंद्र दरवर्षी संशोधन संस्था आणि विद्यापीठे यांनी प्रसारीत केलेल्या तंत्रज्ञानाची अनेक प्रात्यक्षिके शेतक-यांच्या शेतावर आयोजित करते . ती प्रामुख्याने पुढील विषयाशी संबंधित असतात नुकतेच प्रसारीत झालेले वाण, रोग आणि किड नियंत्रणाच्या पध्दती, उत्पादनात वाढ घडवून आणणारे तंत्रज्ञान, महिलांचे काबाडकष्ट कमी करणारी कृषि अवजारे, उत्पादनखर्च कमी करणारे तंत्रज्ञान इ .

3. प्रक्षेत्रावरील चाचण्या

    विविध संशोधन संस्थांनी विकसित केलेले तंत्रज्ञान  क़धी कधी ठराविक कृषि पर्यावरणामध्ये लागू होत नाही. अशा वेळी त्या त्या ठिकानची नैसर्गिक साधन सामुग्री लक्षात घेवून ते तंत्रज्ञान अधिक प्रभावी व उपयूक्त ठरण्यासाठी इतर बाबींची जोड देणे यालाच संबोधले जाते अशा स्वरूपाचे उपयोजित संशोधनही कृषि विज्ञान केंद्रे ऑन फार्म ट्रायलच्या माध्यमातून करतात

4. विस्तारविषयक इतर उपक्रम

 शेतकरी मेळावा शेतकरी सहली शिवारफेरी इ. अनेक उपक्रम केंद्रतर्फे राबवले जातात या सर्व उपक्रमांना शेतक याकडून उत्तम प्रतिसाद लाभतो. नाममात्र शुल्क आकारून शेतकरी सहलींचे आयोजन केले जाते.

महाराष्टात आणि महाराष्टाबाहेरील नाविन्यपूर्ण शेतकरी आणि संस्थांना भेटी उदा -बेदाना प्रतवारी करणारे आयात केलेले यंत्र दाखविण्यासाठी सहल व्हॅनिला बाग पाहण्यासाठी राज्याबाहेर सहल.